تعرضت الإعلامية ريهام سعيد الى هجوم شديد من قبل الجمهور، الذي اتهمها بالخبث وبأنها تدس السم في العسل، حين ادعت انها تحب دينا الشربيني، لكنها فضحت قضية سجن دينا لحيازة المخدرات، وسخرت من شكلها وعدم جمالها واختيار عمرو دياب لها وهي تدعي انها تدافع عنها. واتهمها الكثيرون بأن كلامها ينقط غيرة وحقد من دينا الشربيني وارتباطها بالنجم الكبير عمرو دياب، ونجاحها كممثلة خاصة في مسلسلها الأخير "زي الشمس" ضمن مسلسلات رمضان 2019، والذي قامت بدور البطولة فيه مع الفنانة ريهام عبد الغفور. لمشاهدة مسلسل زي الشمس وباقي مسلسلات رمضان 2019 بجودة فائقة في موقع فرفش بلس، اضغط هنا: مسلسل زي الشمس
وكانت ريهام سعيد قد تحدثت عن دينا الشربيني في الحلقة الأخيرة من برنامج "صبايا" وقالت ان دينا الشربيني ملهمتها وانها كانت ناجحة جدا و "طالعة متل الصاروخ" قبل سنوات، لكن تم سجنها لمدة سنة، وبعد ان خرجت من السجن تم ايقافها عن العمل الفني لفترة طويلة.
وعلق الكثيرون على كلامها هذا والذي بدأته بمديح دينا الشربيني، لكنها ذكرت الجميع بقضية سجنها. وقال احد المتابعين مهاجما ريهام سعيد: "استفدتي ايه لما ذكرتي الناس أنها مسجونة؟ كلامك كلو مبطن.. أول مرة أعرف إنك خبيثة للدرجة دي"!.. وأضاف آخر: وانتي من حبك فيها طالعه تفكري الناس انها اتسجنت سنه ؟وطبعا الناس هتدور اتسجنت ليه فيعرفو انها كانت قضية مخدرات فيكرهوها يا ام قلب كبير!".
وقال ثالث: "ريهام فضايح! دينا اتسجنت عشان كانت مدمنه بودره". وأضافت احد المتابعات: "عني انا وحده ما كنتش اعرف انها اتسجنت! والله حرام عليكي". وردت عليها أخرى قائلة: "وانا كمان زيك والله". انا من الناس الى نسيت انها اتسجنت و فكرتيهم....كل الى اقدر اقوله انك عيانه بجد! روحى ربنا ينتقم منك على الاذى الى بتسببيه للناس ده!
المشكلة ان ريهام سعيد لم تكتف فقط بفضح قضية سجن دينا الشربيني بقضية المخدرات، وانما تحدثت عن علاقتها مع الهضبة عمرو دياب وعن شكلها وان الكثيرين يقولون انها غير جميلة ويستغربون من اختيار عمر دياب لها! وهي هنا أيضا كما قال من شاهدوها تدس السم في العسل، وتدعي انها تدافع عنها بينما هي تقصد اهانتها والتهكم على شكلها. وأكد الكثير من المعلقين انها تشعر بالغيرة والحسد من نجاح دينا الشربيني وارتباطها مع الهضبة وانها تحقد عليها بشكل كبير. اليكم المزيد من تغريدات المتابعين التي اخترماها لكم في موقع فرفش بلس..
- موصلتنيش المعلومه بس وصلني الغل والنفسنه من دينا الشربيني يا طنط ريمو
- انتى عايزة ايه يعنى، انتى عاوزة توصلي لأيه فى الاخر؟
- ولا قولتى حاجة مفيدة غير شايف حقد رهيب منك وغير
- آه يا بيئة تحقد لأن دينا أحسن من الخرية اللي ف ال?يديو ع الأقل عمرنا ماسمعناها اتخانقت مع حد ولا أذت حد!
- تتكلم بخبث .. يا لطيف من الناس اللي متل ريهام
- غيرة وخبث قوي بتمدح من ناحية وشرشحتها جدا جدا
- انتي بتصطادى فى المايه العكره
- اول مره اشمئز من خبر
- انتي سوده ومتصلحيش غير في الجن والتخاريف بتعتك
- وإنتي جاية تفكري الناس إنو دينا إتسجنت؟؟ ع فكرة إحنا فاكرين!
- هي لسه مدمنه بجد؟
- اه وبيبان اكتر دهولتها فى الحفلات
- وبتوضحى ان علاقتها بعمرو دياب مش معلن طبيعتها ايه بالظبط بس بيدعمها كتر خيره ! يعنى انتى فى الوسط ومتعرفيش متجوزها ولا لأ !!
- يعني عايزة تفهمينا ان انتى بتموتى فيها بصراحه؟؟ ما حدش هيصدقك!
- انتي بجد مريضه يا ريهام!
- كلام صح كله والله بس مفروض دينا ولا يهمها عشان دى مريضه !
- مافهمت ليش كل هالشِعر والسرد عنها بهالطريقة! يا لطيف شو خبيثة
- دايما بتحطي السم في العسل
- عايزة تفهمي الناس ان كل الناس بتتسجن عادي زيك؟. انت مش طبيعية ومعقدة وبتكرهي النجاح لاي حد عايزة الترند اللي على نجاح دينا الشربيني بسبب مسلسلها يتحول لترند تدوير الناس على قضيتها ويعرفوا انها كانت مسجونة.
- انت مستفزة جدا جدا جدا
- وانتي جايه بعد ما هي نجحت بقي تكلمي عليها ليه؟ لو انتي فعلا بتحبيها كنتي طلعتي ودافعتي عنها وهي محبوسه مش بعد ما عمرو دياب ارتبط بيها!! وكمان خرجت من السجن وبقيت ناجحه!
- انتي مطبلاتيه مش اكتر وعايزه تجيبي views كتير فبتجيبي سيرة عمرو دياب ودينا الشربيني وتذكري أنها اتسجنت وتقولي ملهمتي والحركات دي في الاول علشان تقولي أنها كانت مسجونه سنه في قضيه مخدرات!
- ع فكره الحركه دي مفقووووووسه اوي وقديمه يا ريهام!! ودينا الشربيني مش هبله علشان ماتفهمش الحركه دي
- ايه الغيره والحقد دول يا ريهام ؟؟ تصدقي؟ واضح جدا حبك ليها! يا كذابة!
- انا صراحه لما تسجنتي زعلت عليك بس انا بكرهك عشان بتجيبي في سيرة البنات واعراض الناس! حسبي الله ونعمه الوكيل فيك وفي زيك
- دينا ناجحة وجميلة ومرتبطة بفنان محترم.. ايه لازمتو نجيب سيرة موضوع زى السجن دلوقتى
- ده حقد ده
- مذيعه رخمه رخامه ودمها يلطش
- دينا بدأت حياه جديده.ربنا يوفقها ويسترها على الناس كلها
- انتي مش لاقية حاجة تتكلمي فيها وتجذب الناس ليكي زي زمان وتخليكي تريند فبتجيبي سيرة دينا وعمرو ؟ عموما انتي اتحرقتي خلاص
- حاطه السم بالعسل !موضوع قديم وانتسى! انتي ليش رجعتي تحكي واتزكري الناس ..خبيثه
تعليقات الزوار | اضف تعليق
