رفض الموزع الموسيقي أحمد إبراهيم التعليق بشكل مباشر على الضجة التي أثيرت مؤخرا على مواقع التواصل الاجتماعي بعد انفصاله عن المطربة أنغام. وقال أحمد إبراهيم، خلال لقائه من الإعلامي رامي رضوان فى برنامج مساء dmc: "مش مهتم بالضجة اللي بتحصل على السوشيال ميديا وبتفاجىء بكلام الناس واتصالاتهم، كل اللي يجيبه ربنا خير، وطول الوقت بركز إن أقدم أغاني تسيب أثر مع الناس".
وأوضح أحمد إبراهيم أنه التزم الصمت بعد زواجه من أنغام ومن بعد انفصاله عنها وقال، "كنت حريص على عدم إدخال حياتي الشخصية مع المهنية والأزمة الأخيرة أظهرت لي نوايا لناس كثيرين استكتروا علي أن الضوء اتسلط عليه وأنا لو محتاج وبسعى للشهرة كنت ظهرت في برامج من زمان وتحدثت عن أعمالي الفنية".
وعن سبب التزامه الصمت كل هذة المدة قال إبراهيم: "الدنيا صغيرة والله منصف و الرد جه بدرى جدا وربنا نصفني، وأنا طول الوقت عمرى ما سمحت لنفسي أدخل في حياة حد.. وأرد على الاتهامات دى وأقول ايه فى حد بيتكلم عن نفسه وينصف نفسه "الراجل هو اللي بيحاسب على المشاريب" و للأسف ياريت كان ينفع انى أدافع عن نفسى وفى نفس العام الذى تهاجمت فيه هو العام الذى حصلت فيه على العديد من الجوائز الهامه في حياتي آخرها جائزة Music Awards عن أغنية حاله خاصة جدا للمطربة أنغام".