شـــــاغل الخط خلي وشاغلني
وانا ميــــت علــــى صوته حبيبي
ليـــــت الخــــطوط به لو يشبكّني

جان داويــت به جرح ٍ عــــــطيبي
مرهف الحــــــس حبــــه متعبني
خذ فــــؤادي وخـــلاني ســـليبي

في غــرامه اصــــيح ومره اغني
ولو خلج لي شراتي مســتصيبي
الغلا له جـــــرى والــــحب مــني

وانا من هالشجا اصــــبح نصيبي
يوم الاشــــواق صـــوبه يجمعني
وليــــت خلي لشوقي يستجيبي

بــــرق ورعــــود صــــدري عذبني
دمع عيني شــرى الوجد الصبيبي
والليـــالي فـــي حـــبه لتــــهني

في الهوا مــــالقيت اللي يثـــيبي
يارفـــيع الصـــبا ليـــش التــــجني
بالمــــحبة تـــــرى امـــرك عجيبي

ان تبـــــعتك عــــن دروبي تثــني
وان تركـــتك تنـــــادي وتـنـتخيـبي
مـــادريت ان حــــبك مالــكنــــــي

وصرت لي شمس عمر ٍ ماتغيبي
لك وهــــبت الغلا واحسنت ظني
وانته وحـــدك بـــهالدنيا حبـيبي